Transit XV, a versión do sistema de traducción asistida que conmemora o seu 15º aniversario de existencia, ten unha imaxe renovada tanto na súa presentación coma na súa interface.
      Transit XV inclúe Transit e TermStar con funcionalidades optimizadas para cada aplicación. Transit XV, unha ferramenta de TAO única, acepta o tipo de arquivo Adobe Indesign e convírtese no sistema de xestión de memorias de traducción que permite traballar con máis formatos de documento.
      Dentro da xestión de proxectos, novas funcións axudan ó xestor a realizar análises e cálculos excepcionais durante calquera fase do proxecto de traducción e a almacenar parámetros importantes que farán posible determinar automaticamente o coste exacto

que o proxecto implica. O control de calidade e a coherencia na traducción son dúas características que se melloraron. A función de busca por concordancia conceptual localiza rapidamente termos en diversos contextos, o que incrementa notablemente a coherencia.
      O xestor de terminoloxía tamén ten unha función automatizada de creación de terminoloxía que fai posible a introducción de forma sinxela e rápida de termos nos diccionarios. Ademais, TermStar XV fai posible a creación profesional de terminoloxía mediante a función de arrastrar e colocar entre diferentes diccionarios, así coma con funcións de busca orientadas a bases de datos e funcións de formato máis avanzadas.

     Aínda que pareza incrible, o nome da versión conmemorativa está a dicilo todo: as orixes de Transit datan do 1986. Co obxectivo de optimizar a traducción dos archivos de script de IBM (un antecesor de SGML), os traductores entusiastas da informática de STAR crearon complexas macros. Mediante esas rutinas reciclaban unidades de traducción, non só atendendo á correcta traducción dos textos, senón tamén coidando as xa daquela protexidas etiquetas de maquetación. Os cementos para a primeira ferramenta de xestión das memorias de traducción con definicións de tipo de documento (DTD) propias establecéronse e ademais asignouselles un nome pegadizo: “Transit”.
      Nos anos sucesivos o concepto orixinal foise desenvolvendo e ampliando; creáronse os primeiros filtros para distintos formatos de archivo e, o que é máis importante, chegouse a unha conclusión revolucionaria: as memorias de traducción non se debían almacenar en bases de datos, senón coma arquivos paralelos. Esta decisión, igual cá marcación con etiquetas, reflectía o convencimento de preferir estándares transparentes a formatos propios do fabricante. Nada deixa ver mellor a superioridade e a visión de futuro deste concepto coma o feito de que o consorcio OSCAR, que reúne ós fabricantes de ferramentas da traducción asistida máis sobranceiras, estableza o formato estándar para o intercambio das memorias de traducción (TMX). ¡14 anos máis tarde! Este formato común para tódalas ferramentas de traducción asistida baséase na idea orixinal de Transit: Un almacén de traduccións baseado en arquivos que emprega para a descripción metalingüística da información un sistema de etiquetaxe estándar internacional: o XML. Así mismo, as reflexións orientadas á productividade desempeñaron unha función igual de

importante para que a balanza se inclinase a favor do concepto dos pares de arquivos bilingües, xa que se prevían os problemas no momento de xestionar grandes cantidades de información en bases de datos. Ademais, os xestores de proxectos podían controlar moito mellor o tipo de material que conviña empregar para a pretraducción, sen ter que posuír coñecementos na xestión de bases de datos.
      O desenvolvemento continuou e no 1991 estaba preparado: nacía o primeiro sistema integrado de traducción asistida, Transit 1.0. Xa nesa versión DOS (de 32 bits, por certo), os usuarios podían acceder nunha soa interface ó texto orixe e ó texto meta, podían xestionar terminoloxía, así coma crear e acceder ás notas do traductor, e todo isto integrado nunha soa aplicación que ademais contaba con tódalas funcións necesarias para a xestión de proxectos de traducción. A partir de 1991 avanzouse a unha grande velocidade. No 1994 lanzouse Transit 2.0 para Windows, unha versión de 16 bits. Incorporáronse máis prestacións, unha tras outra: compatibilidade en red, melloras considerables en canto á facilidade de utilización, estabilidade, calidade dos filtros e velocidade. Coa versión 2.6 introduciuse a lóxica difusa, e o desenvolvemento alcanzou o seu punto de perfección coa versión Transit 2.7. Durante anos, ningunha ferramenta TAO conseguira superala.
      Con Transit 3.0 e a nova versión conmemorativa, Transit XV, STAR continuou a construír os pilares nos que se fundamenta a súa filosofía: a compatibilidade cos estándares internacionais do procesamento de datos multilingües coma Unicode, XML, TMX, Martif, ODBC e TBX e a integración orientada ó usuario de tódalas funcións nunha soa aplicación.
15 anos de Transit: unha ollada atrás chea de orgullo e un balance con posibilidades certeiras de novos éxitos.